الفرق بين البياع العادي والبياع الشاطر شوية حاجات

منها لما يجي يكتب عنوان للمنتج بيحصل الاتي

1- البياع العادي 
بيكتب عنوان المنتج وبس

البياع الشاطر

بيكتب عنوان جذاب ويكون ليه زاوية وبيضمن داخل العنوان فائدة واحدة علي الاقل من فوائد المنتج

2- البياع العادي
بيكتب مواصفات المنتج وبس

البياع الشاطر
بيكتب فوائد المنتج ومش اي فوائد بيكتب الفوائد الي بتبقي في دماغ الزبون نفسه.... يعني بيفهم حاجات الزبون كويس

ودي بتحصل ازاي

خطوات كتيرة لكن لكل شيخ طريقة انا عن نفسي ممكن اعمل حجتين

ادفع شوية وابعت الزباين علي survey وافهم دماغهم ومن خلال الاسئلة وهما بيدورو علي ايه

2- اروح مكان ما الزبون بيروح ومعني كدة اني افضل وراهم في الجروبات والمنتديات واقراء الكومنتات بدقة لانها بيبقي فيها معلومات ثمينة جدا

بس اغلب الفوائد الي الزبون عايزها لقيتها بتتمركز في 5 حاجات

1- السهولة
2- توفير المال
3- زيادة المال
4- توفير الجهد او الوقت
5- التباهي

3- البياع الشاطر بيحط المواصفات بعد الفوائد ومش مواصفات عادية الموصفات الي بتميزه عن اي منتج تاني

4- البياع الشاطر عارف كويس ان ممكن الزبون قرأ الفوائد واقتنع بس بيحصل حاجة اكيدة

الخوف الفطري من الندم

وهنا دي فرصته الكبيرة في الانقضاض علي الزبون وهنا بينزل بوسائل معروفة

زي تضمين تجارب سابقة لناس جربت المنتج

لحد هنا الزبون اتسوي علي نار هادية باقي الخطوة الاخيرة وهي الاهم

تقفيل الصفقة

وبصراحة الجزء ده رغم صغره لكنه الاكثر اهمية

وتقفيل الصفقات انا لسة مخلصتوش لحد الان

بس علي العموم دي شوية حاجات مهمة

اول حاجة ممكن تلعب علي قانون الندرة

زي العدد محدود جاد

باقي عدد x وينتهي المنتج

في تخفيضات كبيرة لمدة يوم او x من الايام

البياع الشاطر بيكتب امتلك المنتج مبيكتبش اشتري الان.... ودي لوحدها ليها عامل نفسي كبير

البياع العادي نسبة بيعه صغيرة

لكن البياع الشاطر : بيلعب شطرنج في دماغ الزبون علشان كدة مبيعاته بتبقي كبيرة

علي فكرة شوية الحاجات الي كتبتها دي تلخيص لحوالي 10% من الي قرأته في فنون البيع الفترة الي فاتت تقريبا 10 كتب وعشرات الفيديوهات ومئات المقالات

فمتستهونش بالكلمتين دول علشان انت مش عارف ممكن يغيرو مجري الامور ازاي